Në Gjykatën Penale në Shkup prokurorët Lençe Ristoska dhe Trajçe Pelivanov sot i japin fjalët përfundimtare për rastin “Target dhe Fortesa”, që ka të bëjë me përgjimin masiv të paligjshëm në DSK.
Prokurorja Ristoska prezentoi se si janë zhvilluar ngjarjet për tërheqjen e materialeve të cilat janë dhënë nga MPB-ja.
Ajo midis tjerash, në fjalët përfundimtare i potencoi edhe torturat e dëshmitarëve të cilët janë marrë në pyetje nga MPB-ja, pasi e kanë pranuar se ata i kanë dhënë materialet.
“Do të ishte mirë ky të ishte skenar për film por për fat të keq ky është realitet”, tha Ristoska, duke shpjeguar se si është zhvilluar përgjimi përmes tre sistemeve në MPB.
Procesin e udhëheqë gjykatësja Xheneta Begtoviq, ndërsa përfaqësues të aktakuzës janë Lençe Ristoska dhe Trajçe Pelivanov.
Sipas aktakuzës, përmes tre sistemeve për ndjekjen e komunikimeve në DSK, në periudhë nga viti 2008 deri në vitin 2015 në mënyrë të paligjshme janë ndjekur 4.286 numra telefoni për të cilat nuk janë dhënë urdhra gjyqësorë.
Komunikimi është ndjekur para se të jepen edhe pas përfundimit të kohëzgjatjes së vlefshmërisë së urdhrave gjyqësorë për 1 514 numra ose gjithsej 5 827 numra telefoni. Janë përgjuar mbi 20 mijë qytetarë.
