Si vend i cili ruan marrëdhënie miqësore me Bullgarinë dhe Maqedoninë e Veriut, do të përpiqemi që në çdo mënyrë të mundshme ta lehtësojmë zgjidhjen e dallimeve të tyre, tha ministri i Punëve të Jashtme të Greqisë, Nikos Dendias në intervistë për “Juronjuz”.
Siç informon korrespondentja e MIA-s nga Athina, shefi i diplomacisë greke në intervistë edhe një herë e përsërit mbështetjen e Greqisë për perspektivën evropiane të rajonit.
“Pas Agjendës së Selanikut, Greqia është mbështetëse e fuqishme e perspektivës evropiane të Gadishullit Ballkanik dhe gjithsesi e Ballkanit Perëndimor, ndërsa veçanërisht në rastin konkret të Maqedonisë së Veriut dhe Shqipërisë. Ndërsa si vend i cili ruan marrëdhënie miqësore me Bullgarinë dhe Maqedoninë e Veriut, do të përpiqemi që në çdo mënyrë të mundshme ta lehtësojmë zgjidhjen e dallimeve të tyre. Dhe jam i sigurt se të gjithë do ta çmojnë këtë”, tha Dendias.
Në pyetjen se a do të ndërmerrte Greqia iniciativa konkrete, shefi i diplomacisë greke përgjigjet se iniciativa është fjalë shumë e fuqishme” dhe shton se ata janë miq me të gjithë dhe po përpiqen t’iu ndihmojnë të gjithëve.
“Por, përsëri duhet të them se duhet ta shohim fotografinë e madhe, ndërsa fotografia e madhe është e ardhmja e Ballkanit në Bashkimin Evropian”, thekson ministri i Punëve të Jashtme të Greqisë në intervistë për “Juronjuz”.
