Kategoritë

INTEGRIME “Euraktiv”: Bullgaria bën përpjekje ta ndryshojë taktikën ndaj Shkupit

Bullgaria bën përpjekje ta ndryshojë taktikën ndaj Shkupit, prejse vendi  në dhjetor e bllokoi rrugën e Maqedonisë së Veriut drejt Bashkimit Evropian, ndërsa dje  ministrja bullgare e punëve të jashtme ia ka prezantuar  të dërguarit special të vendit për Bullgarinë Vllado Buçkovskit planin aksionar për bashkëpunim në implementimin e Marrëveshjes për fqinjësi të mirë, shkruan “Euraktiv” i Brukselit.

Dokumenti bullgar, i cili ka të bëjë me të gjitha  ministritë sektoriale, do të shqyrtohet nga autoritetet në Maqedoninë e Veriut. Siç deklaroi Buçkovski për MIA-n në periudhën që vijon  grupi ynë i punës  do t’i shqyrtojë  komentet, të cilat arritën nga Bullgaria në propozimin tonë të  Planit aksionar dhe do të ndërtohet pozitë e qartë.

Nga ana bullgare, shton “Euraktiv”, do të shqyrtohen propozimet  në Planin tonë aksionar, ndërsa pastaj  dy qeveritë  duhet të japin leje dhe kjo mund të ndodh në  mbledhjen e ardhshme të Komisionit të përbashkët ndërqeveritar.

Burime diplomatike për “Euraktiv” thonë se Sofja ka propozime të lidhura me hekurudhat dhe investimet  e kompanive bullgare në Maqedoninë e Veriut. Në plan, sipas burimeve të njëjta, ka edhe propozime për hapje të filialeve të universiteteve bullgare në Maqedoninë e Veriut, ndërsa janë përfshirë edhe librat e historisë.