Shefi i diplomacisë së BE-së Josep Borell, sot pasdite u drejtua përmes videomesazhit në Samitin në Sofje në kuadër të Procesit të Berlinit dhe kërkoi të ruhet trendi pozitiv, përfshirë edhe me hapjen e negociatave për anëtarësimin e Shkupit dhe Tiranës.
“Ballkani Perëndimor është në zemër të Evropës dhe e ardhmja e tij është në Bashkimin Evropian, prandaj angazhimi ynë ka qenë dhe do të mbetet i fuqishëm”, deklaroi Borrell në fillim të fjalimit të tij për liderët pjesëmarrës në samit nikoqir i së cilit janë Bullgaria dhe Maqedonia e Veriut.
Temë kryesore e fjalimit të tij ishte sfida me Kovid-19 dhe pasojat e tij.
Borell përkujtoi se me çfarë mbështetje financiare dhe materiale BE i ndihmon rajonit që të përballet me këtë krizë, përfshirë edhe përmes Planit investues dhe atij ekonomik për Ballkanin Perëndimor të prezentuar muajin e kaluar.
“E dini se sa për Bashkimin Evropian është i rëndësishëm tregu i saj i përbashkët. Është një prej atuve tona edhe në vigjilje të këtij Samiti isha i mahnitur nga përkushtimi që e dëshmuar për krijimin e tregut të përbashkët në Ballkanin Perëndimor, që të lirohet potenciali ekonomik i rajonit”, deklaroi shefi i diplomacisë evropiane.
Në këtë kontekst ai përkujtoi se rikuperimi ekonomik në periudhën post-kovidiane duhet të jetë i “qëndrueshëm dhe i drejtë në aspektin social”.
“Kjo do të thotë të synojë rimëkëmbjen ekonomike të gjelbër dhe transformimin digjital të ekonomisë dhe shoqërisë”, tha Borell, duke e theksuar Agjendën e gjelbër për Ballkanin Perëndimor i cili e shoqëron Planin ekonomik dhe investues.
Ai shtoi se është e rëndësishme të gjitha reformat ekonomike të mbështeten me reforma të fuqishme politike.
“Çdo partner në rajon e di çfarë duhet të bëjë. Tani, me vendimin e mirëseardhur të hapen negociatat me Shqipërinë dhe Maqedoninë e Veriut, është koha të ruhet trendi pozitiv dhe të vazhdohet me punë. Të punohet bashkërisht siç e bëjmë këtë në BE është mënyra më e mirë për t’u tejkaluar ajo që u trashëgua nga e kaluara dhe të ndërtohen e ardhme më e mirë. Ky është sinjal i qartë për rininë se në mënyrë serioze i pranojmë aspiratat e tyre për shoqëri të gjelbra, të drejta dhe prosperuese”, deklaroi shefi i diplomacisë së BE-së.
burim: MIA
