Pritjet janë se në janar ose shkurt do ta kemi vaksinën kundër Kovid-19 në pajtim me dinamikën e tanishme të zhvillimit të punëve, deklaroi sot ministri i Shëndetësisë, Venko Filipçe.
Edhe kompania e dytë pas “Astra Zeneka”, kompania “Fajzer”, tha FIliçpçe, aplikoi që të marrë leje për përdorim në Agjencinë evropiane për ilaçe. Ai sqaroi se zakonisht kjo është procedurë që zgjat disa muaj dhe kur të përfundojnë të gjitha fazat klinike të hulumtimit, fillon procedura administrative.
“Besoj se do të japin miratim pas asaj së a.q. procedurë urgjente dhe se diku rreth Vitit të Ri, pritjet janë të tilla, do të marrë leje që të dy vaksinat të ditribuohen. Ne i presim përmes mekanizmit Kovaks, pjesë e të cilit janë këto dy kompani. Si të marrin leje për përdorim, aty i japin dozat dhe ato barabartë shpërndahen te të gjitha vendet që marrin pjesë në të. Çdo vit kompania, e cila hynë në atë mekanizëm, i jep në dispozicion dozat e saj të vaksinave. Ne e nënshkruam marrëveshjen, Qeveria dha pëlqim, buxheti u sigurua, ashtu që i presim vaksinat përmes mekanizmit Kovaks”, tha Filipçe, duke iu përgjigjur pyetjes së gazetarëve pas vizitës në pikën për teste të shpejta në poliklinikën “Jane Sandanski”.
Ai potencoi se kanë edhe dy oferta tjera, një nga Polonia përmes ambasadorit polak dhe tjetra përmes kryeministrit grek Kirjakos Micotakis, i cili në takimin e fundit me kryeministrin Zoran Zaev në Samitin në Selanik ka treguar vullnet të mirë dhe mundësi që shteti të jetë pjesë edhe e sasisë së tyre të furnizimit, që si vend anëtar i BE-së, është siguruar me marrëvreshje të drejtpërdrejtë me kompaninë “Astra Zeneka”.
