Kryeministri Zoran Zaev thotë se asnjë shtet nuk është imun ndaj terrorizmit, por bashkëpunimi mes vendeve dhe veçanërisht të qenurit pjesë e NATO-s, i ka shërbyer shumë vendit tonë në këtë sferë. Në një intervistë për TV Sitel, Zaev tha se shërbimet janë në kordinim dhe se kontrollohen informatat që shkëmbehen mes vendeve anëtare, transmeton drejt.mk.
“E ndjekim situatën me sulmin e fundit terrorist në Vienë. Edhe ne këtu duhet të verifikojmë informata. Edhe ne kishin disa të dënyar për terrorizëm në disa procese gjyqsore nën emrin “Celula”, por një pjesë prej tyre dolën nga burgu dhe vazhduan me aktivitete kriminale. Kjo tregon se sistemi duhet të veprojë më ndryshe, të rehabilitohen dhe të angazhohen ata njerëz. Askush në botë nuk është imun ndaj aktiviteteve terroriste dhe prandaj bashkëpunimi duhet të vazhdojë, informacionet të shkëmbehen. Neve ata informata na shërbyen shumë. Institucionet funksionojnë, kemi ASK-në, Agjencinë për zbulim, kontrollojmë informacione”, deklaroi Zaev.
