Në Gjykatën Penale sot duhet të mbahen seanca për lëndët e Prokurorisë Publike Speciale “Titanik 2” dhe “Lëndina”.
Në seancën paraprake për “Titanik 2” që ka të bëjë me parregullsitë zgjedhore në zgjedhjet lokale në vitin 2013 janë marrë në pyetje anëtarët e mëparshëm të Komisionit Shtetëror të Zgjedhjeve (KSHZ), Violeta Duma dhe Subhi Jakupi.
Në këtë rast të akuzuar janë lideri PDSH-së, Menduh Thaçi, ish-drejtori i DZK, Sasho Mijallkov si edhe anëtarët e mëparshëm të KSHZ-së, Bedredin Ibraimi, Aneta Stefanovska, Vllatko Sajkovski dhe Sasho Sërcev.
Në rastin “Lëndina” të akuzuar janë Dragan Pavlloviq – Latas dhe vëllezërit e tij Sërgjan dhe Xvezdan për ndërtimin e paligjshëm të tre shtëpizave të uikendit në Zelenikovë.
Sipas PPS, të akuzuarit kanë ndërtuar tre shtëpiza uikendi në komunën e Zelenikovës pa pasur të drejtë për një ndërtime të tilla, gjegjësisht ndërtim pa leje për ndërtim. Latas ka ndërtuar shtëpi uikendi prej 317 metra katrorë, ndërsa vëllezërit e tij, shtëpiza uikendi prej 130 gjegjësisht 104 metra katrorë.
Në dëshmitë e grumbulluara të PPS-së, në mesin e të cilave edhe pamje satelitore, ekspertizë, si edhe dokumente të tjera, këto tri shtëpiza uikendi kanë filluar me ndërtim në vitin 2011, ndërsa miratim për ndërtimin e tyre nga komuna është marrë në vitin 2013 kur kanë përfunduar. (MIA)
