Ngritja e vetëdijes për pjesëmarrjen e personave të shurdhër në komunikacion është qëllimi i aktiviteteve të zbatuara në kuadër të projektit “Personat e shurdhër – pjesëmarrës në komunikacion”!, ngjarja përmbyllëse e së cilit do të mbahet sot në Shkup.
Projekti mbështetet nga Polio plus – lëvizja kundër handikapit në kuadër të projektit “Margina obskura – çështja e handikapit në qasjen drejt BE-së”.
Në ngjarjen përmbyllëse të projektit do të prezentohen rezultatet nga hulumtimi i zbatuar, si edhe dy video të cilat i shfaqin dy skenarë të ndryshëm gjatë pjesëmarrjes së personave të shurdhër në komunikacion.
Projektin e zbatoi Shoqata “Aktivitet qytetar evropian”. Në ngjarjen përmbyllëse do të marrin pjesë përfaqësues të institucioneve kompetente, qytetarë dhe organizata të cilat marrin pjesë në zhvillimin e kushteve dhe pozitës së qytetarëve me dëgjim dhe të folur të dëmtuar. (MIA)
