Lënda e Prokurorisë Speciale Publike “Dhuna në Qendër” do të vazhdojë pa të akuzuarin Mitko Pecov. Gjykata sot, me kërkesë të prokurorëve mori vendim ta ndajë procedurën për Pecov dhe të vazhdojë me dëshmi të ish-kryetarit të Këshillit të Komunës Qendër Mirosllav Shipoviq dhe kryetarit aktual të komunës Sasha Bogdanoviq.
Gjykatësi Dushan Josifov tha se për Pecov është dorëzuar dokumentacion mjekësor në të cilin citohet se ka lëndim të unazës së dhjetë të boshtit kurrizor dhe ka mendim nga specialisti që të bëjë regjim shtrati dhe t’u shmanget lëvizjeve, si dhe të paraqitet për kontroll pas një muaji.
Sipas avokatit Dimitar Dangov, kërkesa për ndarje të procedurës është e pabazë dhe kërkoi shtyrje deri më 29 tetor, të cilën Këshilli Gjyqësor nuk e pranoi dhe mori vendim të vazhdohet me seancën.
Prokurorja Fatime Fetai në fillim të gjykimit, kërkoi që Këshilli Gjyqësor të urdhërojë arrestimin e Nikolla Gruevskit, për shkak të vonimit të tij në seancën e sotme gjyqësore. Pas prezantimit të avokatit të tij Dangov me vonesë prej 15 minutash i akuzuari Gruevski hyri në sallën gjyqësore. (MIA)
