Kryetari i Komunës së Aerodromit Zllatko Marin sot në pres konferencë ka informuar se ëshhtë stopuar ndërtimi i ndërtesës para “Majçin Dom” për shkak të parregullsive në ndërtimin. Ndalesa vlen 15 ditë.
Ai ka informuar se inspektori sot ka dalë në terren dhe ka bërë procesverbalin dhe ka përgatitur vendimin.
“Ndërtimi është stopuar, hyjmë në kërkesën e zgjidhjes përmes diskutimit. I kam ndërmarrë të gjtiha masat e mundshme, me gjitha palët e prekura që të gjejmë zgjidhje të përhershme dhe të mbrojmë truallin para ‘Majçin dom’. Ndërmarr iniciativë për zgjidhjen e problemit, në bisedime me qytetarë, me investitorin dhe me qytetin e Shkupit”, ka thënë Marin.
Ai ka shfaqur shpresë se në afat të shpejtë të mundshëm do të arrihet në zgjidhje me investitorin.
Ka paralajmëruar se të premten është caktuar seancë e jashtëzakonshme e Këshillit të komunës së Aerodromit dhe ka ftuar përfaqësuesit e Shoqatave qytetare dhe qytetarët e dëmtuar të marrin pjesë në procesin e kërkimit të zgjidhjes.
