Të drejtën e ndihmës sociale në komunat Dibër dhe Qendër Zhupë që me aktivitetin e tyre mbulojnë Qendrën ndërkomunale për punë sociale e realizojnë 1.388 shfrytëzues.
Numri më i madh i takon të drejtës për ndihmë sociale në para të cilët e realizojnë 621 përdorues, me rreth 2.000 anëtarë të amvisërive.
“Numri më i madh i shfrytëzuesve janë nga komuna Dibër, derisa 20 për qind janë nga komuna Qendër Zhupë. Krahasuar me periudhën e njëjtë vitin e kaluar, numri i shfrytëzuesve është më i vogël si rezultat i asaj që një pjesë e ish përdoruesve janë punësuar, janë pensionuar ose kanë kaluar për punë jashtë vendit. I vogël është numri i atyre të cilët e kanë humbur të drejtën pasi kanë kaluar si azilantë në ndonjë nga vendet e BE-së”, ka thënë drejtori i Qendrës ndërkomunale për punë sociale, Kreshnik Paçuku.
Përmes Qendrës, madje disa kategori qytetarësh realizojnë edhe të drejta tjera.
Ashtuqë, ndihmë dhe kujdes nga njerëz tjerë marrin 437 shfrytëzues, atë invalide civile e realizojnë nëntë persona, ndihmë të përhershme në para 127 shfrytëzues, 174 të drejtën e mobilietit, verbëri dhe shurdhim, ndërsa në muajt në mesatare nga 20 persona marrin edhe ndihmë të përkohshme në para. (MIA)