Prezantim i platformës mediatike dhe mundësitë për pjesëmarrje dhe bashkëpunim në projektet e Civili, ndarje e shpërblimeve për gazetari qytetare dhe trajnim për gazetarë qytetarë, do të mbahet në ditën e njëjtë, të premten, më 23 shkurt, në hotelin City Park. Bëhet fjalë për edhe një ditë plot me aktivitete projekti e Civilit, me disa kategori të ndryshme të pjesëmarrësve.
Civili do të mbajë prezantimin e platformës mediatike me fillim në ora 12, ndërsa ceremonia e ndarjes së shpërblimeve për gazetari qytetare do të mbahet në ora 13. Mediat e interesuara për aktivitetet e Civilit, janë të mirëseardhura në periudhën nga ora 13, deri ora 14.
Trajnimi për gazetari qytetare do të fillojë në ora 14. Në trajnimin do të flitet për trendët bashkëkohore mediatike, si dhe për aspektet praktike të gazetarisë qytetare, e cila kontribuon për proceset transparente dhe përgjegjëse politike.
Paralelisht me trajnimin për gazetari qytetare, do të mbahet punëtori me bashkëpunëtorët dhe korrespondentët e CIVIL Media, si dhe me ata që paraprakisht kanë dërguar aplikime për bashkëpunim honorar. Në punëtorinë do të prezantohen drejtime praktike për bashkëpunim konkret me të interesuarit.
