Maqedonia e Veriut është bërë anëtare e Këshillit të Kombeve të Bashkuara për të Drejtat e Njeriut, përcjell TV21. Për këtë sukses, ish-kryediplomati Bujar Osmani ka përgëzuar diplomatët e vendit tonë.
“Maqedonia e Veriut anëtare e Këshillit të Kombeve të Bashkuara për të Drejtat e Njeriut! Pas një pune të palodhshme diplomatike prej katër vitesh dhe pas shumë takimeve të zhvilluara, sot arritëm të bëhemi anëtarë të Këshillit të Kombeve të Bashkuara për të Drejtat e Njeriut (UNHRC). Përgëzoj të gjithë diplomatët e Maqedonisë së Veriut për këtë sukses të madh dhe të rëndësishëm për vendin tonë”, ka shkruar Osmani.
