CIVIL – Qendra për Liri e dënon ashpër dhe kërkon reagim të menjëhershëm ndaj kërcënimeve eksplicite dhe gjuhës së urrejtjes drejtuar gazetares së Alsat M, Rita Behadini, në postimin e saj lidhur me qëndrimin publik të hoxhës nga Saraji në rrjetin social Facebook. Një profil i caktuar si Fisnik Hoxha, i ka shkruar në komente një kërcënim: “O fshije postin qe ke shkru kunder hoxhes Omer se familjen ***** de ta ** o rita . Maje men se neser det vi para alsatit o veshin kom me ta pre nthik . Maje men”.
Për këtë kërcënim të qartë për jetën e gazetares Behadini, me reagim ka dalë Sjoqata Gazetarëve (SHGM), dhe ka raportuar në Ministrinë e Punëve të Brendshme (MPB) në Departamentin për Krime Kompjuterike dhe Forenzikë Digjitale.
Por pavarësisht raportimit të djeshëm, i njëjti profil vazhdon të kërcënojë gazetaren Behadini.
“Rita Behadini, shkruaj për mua nëpër portale, por unë i qëndroj fjalës, familjen në g*jë do ta *, do të vijë dita që do të biesh në duart e mia”.
Në një postim tjetër në Facebook shkruhet: Rita Behadini shkruj shkruj per mu ama ngom mir qa pot tham , det gjej edhe me benzin det kalli , det nvari te sheshi i skenderdhis.
“Rita Behadini fshije postin e Hoxhes Omer dhe kerko falje .
Gazetarja Rita Behadini dje dhe sot 24/7 ka hec bashk me 1 polic . Rita ne vezhgim je deri tet kapi vet edhe e di ti shum mir qka ka met gjet .”
I njëjti personazh ka kërcënuar edhe aktoren dhe aktivisten Anita Latifi e cila ka përkrahur gazetaren Behadini.
“Rites veshin kom me ja pre Amo ty jo veshin , po nsakic kom met tda.”, ka shkruajtur Fisnik Hoxha.
Kërcënimet për jetë janë krime të përfshira në Kodin Penal, për autorët e të parashikohet dënimi me burg, ndërkaq, Ministria e Brendshme dhe Prokuroria Publike duhet të hetojnë dhe procedojnë menjëherë për të ndëshkuar shkelësit e ligjit, por edhe për të parandaluar krime të tilla të mundshme në të ardhmen.
Për këtë lloj kërcënimesh, SHGM këtë vit nxori një Protokoll për Sigurinë e Gazetareve Femra në internet, i cili ofron hapa praktik që gazetarët të ndërmarrin kur janë subjekt i kërcënimeve përmes rrjeteve sociale dhe në përgjithësi në internet, përmes përfshirjes proaktive të Ministrisë së Punëve të Brendshme në mbrojtjen e gazetarëve dhe punonjësve të medias, me fokus të veçantë në gazetaret femra.
D. M.
