CIVIL – Qendra për Liri shpreh tmerrin dhe dënimin e ekstrem për gjuhën ekstreme të urrejtjes dhe dhunës në rrugët e Shkupit, para dhe pas ndeshjes ndërmjet klubit vendas të futbollit “Shkupi” dhe atij bullgar “Levski” në Shkup, më 27 korrik. Kjo duhet të mbahet mend si një ditë famëkeqe për sportin. Politika, nacionalizmi ekstrem dhe dhuna ishin tiparet kryesore të kësaj ngjarje sportive.
Publiku ishte dëshmitar i gjuhës së urrejtjes ekstreme në rrjetet sociale, si dhe dhunës në tribuna dhe rrugëve të Shkupit të sjellë nga tifozët e klubit të futbollit “Levski” nga Bullgaria. Ata kanë sulmuar edhe policinë dhe nuk i kanë kursyer as kalimtarët në Çair, larg stadiumit të futbollit. Për dënim është edhe gjuha e urrejtjes dhe dhuna me të cilën janë përgjigjur tifozët e skuadrës vendore të futbollit “Shkupi”.
Ajo që ndodhi në tribinat sportive, në rrugë dhe në rrjetet sociale, paraqet rrëmbim të sportit për nevojat e nacionalizmit ekstrem. Është një manipulim dhe shpërdorim jashtëzakonisht i papranueshëm i ngjarjeve sportive, për qëllime politike.
CIVILi kërkon nga institucionet përkatëse në vendin tonë, por edhe në Bullgari, të sanksionojnë këtë lloj sjelljeje në terrenet sportive.
CIVIL u bën thirrje mediave dhe gjithë publikut që të dënojnë dhe refuzojnë me vendosmëri të gjitha manifestimet e nacionalizmit dhe gjuhës së urrejtjes.
CIVIL
CIVILI DREJTPËRDREJT në ora 13: Ditë famëkeqe për sportin: Dhunë dhe gjuhë e urrejtjes në Shkup
Në studion për shtyp të CIVIL-it, sot nga ora 13:00 do të transmetohet drejtpërdrejt programi me temën “Ditë famëkeqe për sportin: Dhuna dhe gjuha e urrejtjes në Shkup”. Të pranishmit do të flasin për dhunën e djeshme në rrugët e Shkupit, lidhur me ndeshjen mes klubit vendor të futbollit “Shkupi” dhe atij bullgar “Levski” në Shkup.
Programi mund të ndiqet në faqen e Facebook dhe në kanalin YouTube të CIVIL-it.
