Kryetari i Qeverisë së Republikës së Maqedonisë së Veriut, Dimitar Kovaçevski u takua me ambasadorin e Republikës Popullore të Kinës, Xhang Xuo.
“Në mbledhje, janë konfirmuar marrëdhëniet tradicionale miqësore ndërmjet dy shteteve të bazuara në respektim të ndërsjellë dhe është shprehur transparenca për avancimin e bashkëpunimit ekonomik, përmes interesimit për investime nga Maqedonia e Veriut në Kinë dhe për vazhdimin e bashkëpunimit në pjesën e infrastrukturës në shtetin tonë. Bashkërisht është vlerësuar se ekzistojnë shumë sfera të ndryshme për bashkëpunim me Kinën të cilat do të kontribuojnë drejtë avancimit të marrëdhënieve ndërmjet dy vendeve”, bëjnë të ditur nga Kabineti i Kovaçevskit.
Sa i përket situatës në Ukrainë, Kryeministri Kovaçevski e përsëriti pozicionin e Republikës së Maqedonisë së Veriut në linjën e partnerëve strategjikë, NATO, SHBA dhe BE për dënim më të ashpër të pushtimit rus të Ukrainës dhe sanksione drejtë Federatës Ruse.
Kryeministri Kovaçevski theksoi se Republika e Maqedonisë së Veriut është shtet anëtar i NATO-s, me aspirata për anëtarësim në BE dhe se vazhdon të zhvillohet në atë drejtim.
