Në edicionin e ri, revista Tajm e nderoi Ukrainën dhe presidentin e saj Volodimir Zelenski duke vendosur në ballinë ngjyrat e flamurit ukrainas, njofton MIA.
Mbi titullin “Volodimir Zelenski dhe heronjtë e Ukrainës”, në gjuhën ukrainase janë shkruar fjalët që Zelenski i tha në Parlamentin Evropian të martën: “Jeta do të ngadhnjejë mbi vdekjen, ndërsa drita mbi errësirën”.
Zelenski këtë e tha në fund të fjalimit në Parlamentin Evropian të martën, i cili ishte shumë drithërues, që përkthyesja në gjuhën angleze përpiqej të mos qante derisa i përkthente fjalët e tij.
Në shkrim thuhet se Zelenski e “ndryshoi historinë” duke zgjedhur të qëndrojë në Kiev dhe se ky vendim me siguri e ka ndryshuar trajektoren e asaj që shumë njerëz – edhe në Kremlin pa dyshim – menduan se do të jetë Blickrig.