Qindra qytetarë nga Ballkani Perëndimor kanë nënshkruar një peticion që u bën thirrje qeverive të vendeve të Ballkanit Perëndimor dhe udhëheqësve të shteteve anëtare të Bashkimit Evropian (BE) që urgjentishtt’i heqin regjimete vizave dhe t’a mundësojnëlirinë e lëvizjes për të gjithë qytetarët e Ballkanit Perëndimor brenda rajonit dhe në të gjithë zonën Shengen. Peticioni u nis disa ditë para Samitit të ardhshëm BE-BallkanPerëndimor, që do të mbahet më 6 tetor në Slloveni.
Astrit Istrefi, Drejtor Ekzekutiv nga ForumiBallkanik, një organizatë rajonale qëkaorganizuar peticionin tha se është koha e duhur që BE të përmbushë premtimin e saj dhe t’u ofron liberalizimin e vizave qytetarëve të Kosovës deri në fund të këtij viti.
“Në korrik 2018, Komisioni Evropian konfirmoi se Kosova i ka plotësuar të gjitha standardet e kërkuara për liberalizimin e vizave. Pas më shumë se tre vjet më vonë, qytetarët e Kosovës janë të vetmit në Ballkanin Perëndimor të cilëveu kërkohet viza për të udhëtuar në zonën Shengen. Duke mos i përmbushur premtimet që i ka dhënë qytetarëve të Kosovës, BE po e rrezikon kredibilitetine saj ”, tha ai.
Marrëveshje rajonale për të udhëtuar me karta identiteti
Kolegu i tij Samir Beharić theksoi se pengesat ekzistuese për lirinë e lëvizjes brenda rajonit dhe në të gjithë zonën Shengen kanë dëmtuar lidhjet familjare, kanë pamundësuar bashkëpunimin rajonal dhe kanë penguar shkëmbimin studentor dhe akademik.
“Në peticionin tonë, ne kërkojmë nga qeveritë e Bosnjë dhe Hercegovinës, Kosovës dhe Serbisë që të heqin çdo pengesë për lirinë e lëvizjes së njerëzve midis tre shteteve. Për shkak të regjimit të ngurtë të vizave midis Bosnjë dhe Hercegovinës dhe Kosovës, qytetarët e këtyre dy vendeve duhet të aplikojnë për viza për të udhëtuar në njërin apo tjetrin vend, pavarësisht nga qëllimi, përfshirë vizitat familjare, programet e shkëmbimit të studentëve ose për arsye turizmi. Samiti i ardhshëm BE-Ballkan Perëndimor në Slloveni do të jetë një mundësi e mirë për udhëheqësit e Ballkanit Perëndimor që të angazhohen për bashkëpunim rajonal dhe të nënshkruajnë marrëveshjen për udhëtime me karta identiteti në të gjithë rajonin ”, tha Beharić.
Ky peticion është vazhdim i kërkesës së nënshkruar nga 78 individë dhe organizata të shquara nga Ballkani Perëndimor dhe BE, përfshirë Goran Svilanović, Hannes Swoboda, Erhard Busek, Ulrike Lunachek, Florian Bieber dhe të tjerë. Peticioni do t’i dërgohet Komisionit Evropian, Këshillit të BE -së, Parlamentit Evropian dhe udhëheqësve të Ballkanit Perëndimor.
