Pas një numri të madh të paraqitjeve të qytetarëve, dje inspektori shtetëror për mjedis të jetesës në prani të udhëheqësit të Inspektoratit të Qytetit të Shkupit ka kryer kontroll të detajuar në repartet në Fabrikën e Çimentos Titan “Usje”, për zbulimin e arsyeve për emisionet e pluhurit, të cilat ndodhën ditën e kaluar.
Pas kontrollimit është konfirmuar se për shkak të problemeve teknike, emisionet kanë ndodhur në repartin për prodhim të klinkerit, me ç’rast ka ndodhur derdhje e materialit të ciklonit gjatë ndërhyrjes së zhbllokimit.
ISHMJ informojnë se kanë ndodhur emisione fugitive të pluhurit, që përmbajnë gur gëlqeror dhe laporec, lëndë të para që përdoren për prodhimin e klinkerit.
“Për momentin në mbikëqyrjen inspektuese, Fabrika e Çimentos SHA Usje, me procesverbal është e detyruar të dorëzojë listë për mbikëqyrje të vazhdueshme 24 orëshe të emisioneve nga burimet stacionare, në pajtim me lejen ekologjike të integruar A për periudhën prej 9 deri 10 korrik”, kumtuan nga ISHMJ.
