Ministri i Punëve të Brendshme Oliver Spasovski u takua sot në MPB me ambasadorin e Republikës së Frances në Republikën e Maqedonisë të Veriut Siril Bomgartner dhe drejtoreshen për Bashkëpunim Ndërkombëtar të MPB-së së Francës Sofi At.
Spasovski përshëndeti të pranishmit dhe shprehu mirënjohje për takimin i cili, sipas tij, do të kontribuojë në zhvillimin e mëtejshëm të marrëdhënieve të ndërsjella, veçanërisht me qëllim të avancimit të mëtejshëm të bashkëpunimit dypalësh, i cili ende po zhvillohet me shumë intensitet.
“Takimi i sotëm u shfrytëzua gjithashtu për nënshkrimin e Protokollit për zbatimin e dakordimit për marrjen e personave që qendrojnë pa leje, harmonizimi në kohë i të cilave është kryesisht përgjegjësi e ekspertëve nga të dy palët. Hyrja e saj në fuqi do të lehtësojë trajtimin e migrimi i paligjshëm. Lufta kundër krimit ndërkufitar, por edhe kërcënimi i terrorizmit, i cili ka një rëndësi të madhe për vendet që preken më shumë nga fluksi i migrantëve, dhe sigurisht që do të lehtësojë procedurën për marrjen përsipër të personave që qëndrojnë pa leje”, kumtoi sot MPB-ja.
Ministri Spasovski shprehu mirënjohje në emër të tij për mbështetjen e ofruar nga Ambasada e Republikës së Francës dhe atasheu për sigurinë e brendshme të MPB-së, kryesisht për trajnimet, seminaret dhe mbështetjet e tjera të ofruara dhe të realizuara, të cilat përkundër kushteve të vështira për shkak të pandemia së Kovid-19, vijon normalisht, si dhe në mbështetje të aspiratave tona për anëtarësim në Bashkimin Evropian.
