Thellimi i bashkëpunimit ekonomik midis Greqisë dhe Maqedonisë së Veriut ishte temë e bisedës në takimin e sotëm midis ministrit të Ekonomisë Kreshnik Bekteshi dhe ambasadorin grek në vendin tonë Rusos Kunduros.
“Maqedonia e Veriut dhe Greqia tradicionalisht kanë bashkëpunim të lartë ekonomik, shkëmbimi tregtar është në rritje të vazhdueshme edhe përkundër pandemisë, Greqia është partneri ynë i katërt më i madh tregtar dhe kompanitë greke janë ndër investitorët më të mëdhenj në vend”, theksoi Bekteshi.
Ministri Bekteshi theksoi se ekziston potencial i madh për rritjen e mëtejshme të bashkëpunimit në sektorin energjetik, nëse marrim parasysh projektet e përbashkëta për ndërtimin e terminalit të gazit natyror të lëngshëm në Aleksandropoli, si dhe lidhjen e gazit midis dy vendeve , përmes ndërtimit të një interkonektori.
Siç ceku Ministri Bekteshi, përmes lidhjes së gazit me Greqinë, Maqedonia e Veriut do të bëhet me një burim të ri për furnizimin me energji më të gjelbër dhe më të lirë, dhe kështu do fitoj edhe mundësinë për t’u bërë një qendër rajonale për tranzit të mëtejshëm dhe shpërndarjen e gazit në vendet e rajonit.
Në takim u shpreh mbështetja e Greqisë për vendin tonë, lidhur me përparimin në integrimin evropian, pas arritjes së anëtarësimit në NATO, si dhe për asistencën teknike në proceset e rëndësishme për perspektivat evropiane.