Nëse Sasho Mijallkov ka realizuar çfarëdo kontakti me të akuzuarit, kontakti i tillë do të ishte evidentuar në operatorët telefonikë dhe në bazë të shënimit nga kontakti telefonik, lehtë dhe pa dyshim do të konfirmohej se kontakti i tillë ishte realizuar. I vetëdijshëm për këtë fakt, se një dëshmi e tillë nuk ekziston sepse ngjarja e tillë as që ka ndodhur, prokurori publik e bazon aktakuzën e vet vetëm në supozime, deklaroi sot avokati Ljupço Shvërgovski në fjalët përmbyllëse të mbrojtjes në rastin “Tortura”, ku i akuzuar është edhe ish-drejtori I DSK-së, Sasho Mijallkov.
Avokati Shvërgovski shtoi se edhe për të akuzuarit e tjerë, mungon forma e diskriminimit, për shkak të përcaktimit tjetër politik si element thelbësor të kësaj vepre penale.
“Nxitja duhet t’i referohet personit të caktuar dhe veprës së caktuar penale, nxitësi duhet ta njohë personin, i cili ceket në ekzekutimin e veprës penale. Nxitësi duhet të jetë i vetëdijshëm se një person tjetër shtyn në ekzekutim të veprës penale, i njëjti duhet të jetë i vetëdijshëm edhe për vetë veprën për të cilën nxit person tjetër”, thotë avokati.
Në këtë akt penal juridik në të cilin është i akuzuar Sasho Mijallkov, siç tha Shvërgovski, përfaqësuesi I aktakuzës jo vetëm që nuk saktësoi dëshmi, por nuk ka cekur asnjë indikacion se Sasho Mijallkovi I ka nxitur të tjerët në kryerje të veprës penale me të cilën ngarkohen.
Në aktakuzë ceket se Sasho Mijallkov si person zyrtar, drejtor i DSK-së, për shkak të diskriminimit në bazë të përcaktimit politik i ka shtyrë të akuzuarit t’i ndërmarrin veprimet e kryerjes që janë cekur në dispozitivin e aktakuzës dhe njëherësh për veprimin e tij të tillë, është akuzuar se ka kryer vepër penale torturë dhe veprim dhe ndëshkim tjetër brutal, jonjerëzor.
Në seancën e fundit prokurori publik, Ljubomir Lape kërkoi dënime me burg për të akuzuarin Mijallkov dhe gjashtë pjesëtarët e njësisë Alfa, të cilët ngarkohen se në vitin 2011 në mënyrë jonjerëzore dhe ofenduese e kanë arrestuar Ljube Boshkovskin.
I akuzuar i parë në këtë rast është ish-drejtori i DSK-së, Sasho Mijallkov, i cili në aktakuzën e parashtruar nga ish-PSP-ja, është i dyshuar për vepër penale “torturë dhe veprim dhe ndëshkim tjetër brutal dhe johuman” nga neni 142 paragrafi 1 me nenin 23 të KP-së. Për veprën e njejtë, janë të dyshuar edhe gjashtë ish-pjesëtarë të njësisë “Alfa” mes të cilëve Ivica Ançevski, Novica Stankovski, Petar Milloshevski, Filip Atanasov, Jovan Bocevski dhe Metush Shabani.
