“BE-ja është e vetëdijshme për gabimet e saj, por ta kishim këtë politikë në vitin 2008 me siguri tashmë do të ishim pjesë e BE-së. Deklaratat e Varhejit për ndarje nuk kanë logjikë, e dimë në të kaluarën, në vitin 2019 kur Franca e kërkoi metodologjinë e re, një pjesë e shteteve nuk donin të na ndanin nga Shqipëria. Qëndrimi i Varhejit është i tij, do të duhet të ndërmerret qëndrim, nuk shoh disponim në BE të bëhet ndarja e të dyja shteteve”, deklaroi ministri i Drejtësisë Bojan Mariçiqi në emisionin në “Studio 10” në TV24.
“Nuk më duket e thjeshtë ndarja si koncept. Mund të rritet euroskepticizmi, kjo është luftë për kredibilitetin e Bashkimit Evropian, Austrisë dhe Gjermanisë dhe të tjerët përpiqen të jenë në Ballkan, të dërgojnë mesazhe. Nuk është sekret se Varheji është nga partia e kryeministrit Orban, nuk më takon mua ta komentoj sjelljen e tij, duhet të jepet një mundësi për veprimet e tij. Kemi bashkëpunim korrekt me të. Ka vullnet për zgjerim, por tema atje nuk është aq e popullarizuar. Ne kërkojmë të fillojmë negociata, duhet të jemi këmbëngulës në këtë kërkesë, jemi të rrethuar me vende anëtare. Nuk ka politikë tjetër më serioze për ne nga anëtarësimi në BE, gjithçka tjetër do të hapë mundësi për non-pejperë”, vlerësoi Mariçiq.
