Presidenti Stevo Pendarovski e priti sot u.d drejtorin e Agjencisë për energjetikë të Republikës së Maqedonisë së Veriut, Dario Nikollovski.
Në takimin drejtori Nikollovski e informoi Pendarovskin për aktivitetet aktuale dhe punën e agjencisë, në lidhje me zbatimin e planeve strategjike, si dhe zhvillimin e potencialeve për përdorimin e burimeve të ripërtëritshme të energjisë, ndërsa me qëllim të mbrojtjes së mjedisit jetësor, kumtoi Kabineti i presidentit.
Në takim u bisedua për mundësitë për organizimin e trajnimeve dhe edukimit të të rinjve për tema që lidhen me efikasitetin e energjisë dhe rëndësinë e mbrojtjes së mjedisit, në MladiHub – Zyra e Presidentit, qëndron në kumtesë.
