Regjistrimi paraqet mundësi që me sukses të përfundojë operacioni statistikor i cili ka rëndësi të madhe për zhvillimin e shtetit, ka theksuar ministri i Drejtësisë, duke iu bëri thirrje të gjithëve që të regjistrohen në mënyrë masive.
“Mërgimtarëve tanë këtu në Bruksel iu tregova se pse është me rëndësi që diaspora të regjistrohet në mënyrë masive. Duhet të kemi pasqyrë reale. Përfundimisht ekziston mundësia që qytetarët të bëjnë diçka direkt për veten. Rezultatet e regjistrimit do të jenë udhërrëfyes gjatë krijimit të të gjitha politikave zhvillimore. Regjistrimi do të mbahet, ndërsa metodologjia dhe mënyra e zbatimit të të njëjtit është sipas standardeve më të larta botërore dhe EUROSTAT”, ka potencuar Mariçiqi.
Siç njoftoi Ministria e Drejtësisë, Mariçiq e ka transmetuar qëndrimin e Qeverisë se regjistrimi nuk do të shtyhet dhe se ai do të bëhet sipas standardeve më të larta. Në mënyrë shtesë për shkak të pandemisë do të respektohen rekomandimet e Komisionit për Sëmundje Ngjitëse të cilat i dizajnoi pikërisht për zbatim të sigurt të operacionit statistikor.
Përfaqësuesit e diasporës në Belgjikë në bisedën me ministrin Mariçiq janë interesuar për atë se si deri më tani realizohet regjistrimi dhe kur mund të priten rezultatet nga i njëjti.
