Ministrja e Mbrojtjes, Radmilla Shekerinska pret që nesër në seancë të qeverisë të diskutohet për një pjesë të çështjeve lidhur me marrjen, arritjen dhe plotësimin e kushteve sa u përket vaksinave nga mekanizmi KOVAKS.
Duke u përgjigjur në pyetjen e gazetarëve, ajo ka thënë se derisa nuk marrin informacion edhe ministrat qeveritar, për të gjitha këto çështje të komunikohet me institucionet të angazhuara lidhur me këtë, duke potencuar se nuk ka informacione më të reja nga ajo që është e njohur për opinionin.
“E di nga më parë se të gjitha kushtet që janë kërkuar në pjesën e mekanizmit KOVAKS si shtetet i kemi përmbushur. Që në fillim të këtyre bisedimeve më detajore rreth përdorimit të mekanizmit jemi përmendur si shtet që i plotëson kushtet”, ka deklaruar ministrja Radmilla Shekerinska pas promovimit të sotëm të softuerit të ri për testim të njohurive në gjuhën angleze të pjesëtarëve të Armatës dhe të punësuarve në mbrojtje, konform me standardet e NATO-s- STANAG në Qendrën e stërvitjes “Dr Xhozef Kruzel” në kazermën “Goce Dellçev” në Shkup.
