Propozohet që ora policore të zgjasë dy javë sa një cikël epidemiologjik, atëherë kur presim të ketë rezultate reale. Ndoshta do të ketë ndryshim në atë rekomandim.
Këtë e theksoi sot Ministri i Shëndetësisë, Venko Filipçe, i cili në shpjegimin e propozimit të Komisionit për Sëmundjet Infektive për të vendosur orë policore nga ora 22 deri në 5 të mëngjesit, në teritorrin e gjithë vendin tha se ishte e qartë se në dhjetë ditët e fundit numri i pacientëve po rritet.
“Incidenca më së shumti është rritur Shkup, Kavadar, Negotinë, Prilep dhe Ohër. Kjo pasqyrohet në një mënyrë që ka fluks të shtuar të pacientëve në spitale. Në Kavadar është mbushur plotësisht reparti infektiv dhe repartet shtesë dhe ka filluar të punojë edhe spitali modular. Njëjtë është edhe në Prilep, ndërsa ne shohim këtu në Shkup ka gjithnjë e më shumë raste që kërkojnë shtrim në spital dhe kjo është arsyeja pse spitali modular u kthye në funksion në Klinikën e Sëmundjeve Infektive dhe tani të gjitha klinikat e brendshme janë përsëri gati. Këtë e organizuam sot gjatë mëngjesit ashtu siç ishte në nëntor”, tha Filipçe.
Ndikimi në spitale në drejtim të fluksit të pacientëve të rinj, tha ministri, nuk është i njëjtë si ishte në fillim të nëntorit dhe kjo është një ndryshim i rëndësishëm pavarësisht nga rritja e incidencës.
Ai tha se përveç propozimit për të vendosur orë policore, për momentin nuk do të rekomandojnë masa të tjera, siç është shtyrja e regjistrimit.
