Nuk dua të zë vend në këto doza fillestare të vaksinave, të cilat vërtetë janë të numëruara, dhe t’u marr një vend kolegëve që punojnë drejtpërdrejt me pacientët. Do të vaksinohem në një nga furnizimet e dozave të ardhshme të vaksinave, deklaroi sot Ministri i Shëndetësisë, Venko Filipçe duke iu përgjigjur pyetjeve të gazetarëve.
Ministri theksoi se vaksinat janë të sigurta, me platforma të zhvilluara sigurt, dhe janë mënyra e vetme për të zhvilluar imunitet kolektiv.
“Mendoj se punonjësit shëndetësore janë të vetëdijshëm për rëndësinë e imunizimit, dhe atëherë kur thash dhe tani e përsëris do të vaksinohem, në mënyrë që të theksoj dhe të tregoj se vaksinat janë të sigurta, se ato janë zhvilluar në platforma të sigurta, se është mënyra e vetme për të zhvilluar imunitetin kolektiv dhe për të ndryshuar pasqyrën e pandemisë”, tha Filipçe pas fillimit të vaksinimit të profesionistëve shëndetësorë në Spitalin modular në Shkup.
Ai shtoi se do të vaksinohet në një nga raundet e ardhshme të vaksinave në mënyrë që t’u tregojë qytetarëve se kjo është ajo që ata duhet të bëjnë.
“Nuk dua të zë vend nga këto doza fillestare, të cilat vërtet janë të numëruara, te kolegët që punojnë drejtpërdrejt me pacientët, sigurisht do të vaksinohem në një nga turnet e ardhshme të vaksinave që do të vijnë në mënyrë që t’u tregoj qytetarëve se ajo është ajo që ata duhet ta bëjnë”, shtoi ministri.
I pyetur se sa njerëz mund të vaksinohen nga një vaksinë, Filipçe kujtoi se në një shishkë, e cila tretet me gati dy mililitra tretës fiziologjik, mund të vaksinohen gjashtë persona.
