Presidenti Stevo Pendarovski dhe ministri sllovak i Punëve të Jashtme dhe Evropiane, Ivan Korçok në takimin e sotëm në Shkup i konfirmuan marrëdhëniet miqësore midis Maqedonisë së Veriut dhe Sllovakisë duke theksuar se në të ardhmen duhet të intensifikohet dialogu politik dhe shkëmbimi i vizitave në nivel të lartë mes dy vendeve sapo situate me pandeminë e Kovid-19 do a mundësojë këtë.
Presidenti Pendarovski, siç kumtoi kabineti i tij, u falënderua për mbështetjen e fuqishme sllovake për integrimin tonë evropian.
“Jashtëzakonisht e vlerësojmë mbështetjen e fuqishme, të vazhdueshme dhe të qartë nga Sllovakia, e cila është partneri dhe mbështetësi ynë i rëndësishëm në integrimin evropian, një partner i fuqishëm në NATO, dhe shpresoj që partneriteti ynë të vazhdojë të ushqehet brenda Bashkimit Evropian”, tha Pendarovski.
Presidenti shprehu interesin edhe për intensifikimin e bashkëpunimit, veçanërisht në fushën e ekonomisë, e cila nuk ka arritur potencialin e saj real, edhe pse tregtia bilaterale është rritur në mënyrë të qëndrueshme në 5-6 vitet e fundit. Në këtë drejtim, Presidenti Pendarovski shprehu shpresën se investimet e kompanive sllovake në vendin tonë do të rriten, veçanërisht pas anëtarësimit tonë në NATO dhe progresit të bërë drejt BE-së.
Në takim, siç thuhet në kumtesë, u bë fjalë për edhe për situatën në të dy vendet lidhur me pandeminë Kovid-19, me ç’rast u bisedua për sfida konkrete të cilat janë në interes të dy shteteve dhe janë shkaktuar nga rrethanat e vështira të të gjithë kontinent. Presidenti Pendarovski u falënderua edhe për mbështetjen sllovake dhe donacionet në fushën e shëndetësisë.
