Platforma për barazinë gjinore organizon marsh protestues, në të cilin do të parashtrohen kërkesat drejtuar institucioneve për pastrimin thelbësor të rastit “Dhoma publike” dhe një qasje gjithëpërfshirëse e shtetit në trajtimin e dhunës me bazë gjinore, e cila në forma të ndryshme është e përhapur dhe e rrënjosur në shoqërinë tonë.
Marshi protestues do të mbahet këtë të mërkurë, më 3 shkurt, në orën 14:30, nga Ministria e Punëve të Brendshme deri tek Prokuroria Publike.
“Ky rast është shans për institucionet që të tregojnë se punojnë për të drejtat e grave në praktikë, dhe jo vetëm në mënyrë deklarative. Prandaj,
- Ne i kërkojmë Prokurorisë Publike që menjëherë dhe tërësisht të pastrojë çështjen “Dhoma Publike”, e cila është krim në të cilin shumë gra janë viktima të dhunës me bazë gjinore.
- Kërkojmë ndëshkime të përshtatshme për administratorët e grupeve, si dhe të gjithë anëtarët që dërguan dhe dërgojnë akoma foto dhe shkruajnë të dhëna personale të vajzave dhe grave.
- Kërkojmë dhe insistojmë që ngacmimet seksuale në internet të rregullohen në mënyrë specifike në Kodin Penal.
- Kërkojmë kujdes të duhur për viktimat nga institucionet kompetente.”, thonë në njoftimin nga Platforma për barazi gjinore.
