Igor Spasov është arrestuar pas denoncimit për dhunë në familje, konfirmuan burime policore për radion kombëtare, njofton korrespondenti i MIA-s nga Sofja.
Gjatë ekspertizës së policisë bullgare është përcaktuar se ai është kërkuar nga Interpoli. Igor Spasov ka hyrë në Bullgari nga Turqia para një kohe të caktuar.
Ministria bullgare e Punëve të Brendshme për korrespondentin e MIA-s konfirmoi se Igor Spasov është arrestuar nga policia bullgare mbrëmë, por nuk deshi të tregojë se cila do të jetë procedura e mëtejme.
Ish-polici, Igor Spasov i gjykuar për vrasjen e Martin Neshkovskit që kërkohej me urdhërarrestim ndërkombëtar, është arrestuar dje në orët e pasditet në lagjen “Mlladost” në Sofje nga policia bullgare pas denoncimit të marrë, njoftoi radioja kombëtare bullgare BNR, përcjellë korrespondenti i MIA-s nga Sofja. Lajmin për arrestimin e Spasovit mbrëmë e konfirmuan për MIA-n nga MPB-ja jonë.
Spasov është i dënuar me 14 vjet burgim për vrasjen e Neshkoskit që ndodhi në sheshin në Shkup pas shënimit të fitores së VMRO-DPMNe-së në zgjedhjet parlamentare në vitin 2011.
MPB nënshkroi urdhërarrest ndërkombëtar për Spasovin në fund të tetorit të vitit 2019 pasi ai nuk u kthye në burg pas përfundimit të mjekimit.Ai kërkohet për të vuajtur dënimin me burg prej shtatë vjet e tre muaj, qëndron në ueb faqen e MPB-së.