Komisioni Evropian ka dërguar 14 miliardë euro në nëntë vende-anëtare në transhën e katërt nga mbështetja financiare dedikuar për ruajtjen e vendeve të punës.
Në kuadër të transhës së sotme, Belgjika mori 2 miliardë euro, Qiproja 229 milion euro, Hungaria 304 milion euro, Letonia 72 milion euro, Polonia 4.28 miliardë euro, Sllovenia 913 milion euro, Spanja 1.03 miliard euro, Greqia 728 milion euro dhe Italia 4.45 miliard euro.
KE-ja thekson se këto hua do t’u ndihmojnë vendeve-anëtare në zgjidhjen e shpenzimeve të rritura publike me qëllim që të ruhen vendet e punës, gjegjësisht t’u ndihmohet vendeve-anëtare që t’i mbulojnë shpenzimet drejtpërdrejtë të lidhura me financimin e skemave kombëtare në kohë të kufizuar dhe masa të ngjashme të vendosura si përgjigje e pandemisë së koronavirusit.
Pas pagesës së sotme, 15 vende-anëtare morën gjithsej 53.5 miliardë euro në kuadër të instrumentit për ruajtjen e vendeve të punës.
Kur do të përfundojnë të gjitha pagesat, Belgjika do të marrë 7.8 miliardë euro, Qiproja 479 milion euro, Hungaria 504 milion euro, Letonia 192 milion euro, Polonia 11.2 miliardë euro, Sllovenia 1.1 miliard euro, Spanja 21.3 miliard euro, Greqia 2.7 miliard euro dhe Italia 27.4 miliardë euro.
Brukseli thekson se deri më tani 18 vende-anëtare kanë marrë miratim për shfrytëzimin e këtyre mjeteve në shumën të përgjithshme deri në 100 miliardë euro dhe se kërkesat për ndihmë ende mund të dorëzojnë deri tek Komisioni Evropian.