Presidentit, Stevo Pendarovski është në konsultime me ekspertë juridikë dhe më pas do ta nënshkruajë Ligjin për regjistrim, deklaruan për MIA-n nga Kabineti i presidentit dhe shtojnë se qëndrimi i presidentit do të komunikohet këtyre ditëve.
“Presidenti Pendarovski bën konsultime me ekspertë juridik për Ligjin për regjistrimin e popullsisë dhe gjatë ditëve të ardhshme do ta bëjë të ditur qëndrimin e tij”, thonë nga Kabineti i Pendarovskit.
Të njëjtën ditë kur u miratua, kryetari i Kuvendit, Talat Xhaferi, ligjin e ka dorëzuar te presidenti për nënshkrim dhe për shpallje të ligjit.
Pendarovski, konform ligjit, në afat prej shtatë ditësh, duhet ta nënshkruajë dekretin për shpalljen e ligjin ose me letër ta njoftojnë kreun e Kuvendit nëse vendos të mos nënshkruajë ligjin.
Nëse presidenti vendos të mos e nënshkruajë, Kuvendi sërish e shqyrton ligjin sipas Rregullores, në afat prej 30 ditëve nga miratimi i ligjit. Pas shqyrtimit të dytë të ligjit, amendamentet mund të ndryshohen vetëm sipas vërejtjeve të presidentit.
Ndryshe, Kuvendi e miratoi Ligjin për regjistrim e popullsisë, amvisërive dhe banesave në vitin 2021 më 20 janar, ndërsa këtë ligj e mbështeti LSDM, BDI, Besa, Aleanca për Shqiptarët dhe Alternativa, ndërsa VMRO-DPMNE nuk votoi.
Regjistrimi i popullsisë, amvisërive dhe apartamenteve në Maqedoninë e Veriut, i pari në vend pas 19 vjetësh, sipas ligjit të miratuar, duhet të kryhet nga 1 deri më 21 prill të këtij viti dhe për zbatimin e tij të vazhdueshëm do të përgatitet metodologjia dhe dokumente të tjera mbështetëse.