Ministrja e Mbrojtjes, Radmilla Shekerinska dhe ministri i Shëndetësisë, Venko Filipçe sot u takuan me ekipin kirurgjik gjashtëanëtarësh të shëndetësisë publike dhe ushtarake që do të sistemohet në kuadër të spitalit norvegjez në Kabul, Afganistan, nga marsi deri në shtator të këtij viti.
Para udhëzimit në misionin “Mbështetje vendimmarrëse” në mars të vitit 2021, kumtuan sot nga MM, ekipit i parapriu trajnim tremujor i cili do të realizohet në Mbretërinë e Norvegjisë, së bashku me kolegët norvegjezë të cilët do të jenë pjesë e rotacionit të njëjtë në Kabul. Ky trajnim do të përbëhet nga trajnimi kryesor ushtarak dhe ekipor, ligjërata dhe punë në grupe, pas çka do të pasojë edhe trajnimi special për kirurgji ushtarake.
“Ju jeni ekipi i parë kirurgjik i Maqedonisë i cili do të marrë pjesë në misionin në NATO si ekipi nga një vend anëtar. Do të mësoni nga më të mirët pasi partneri ynë Norvegjia është i njohur për nga zhvillimi i mjekësisë ushtarake, ka thënë ministrja Shekerinska”, thuhet në kumtesë.
Ajo shtoi se Maqedonia e Veriut si anëtare e NATO-s deri në vitin 2028 duhet të zhvillojë aftësitë e NATO-s në formën e ekipit kirurgjik i cili do të qëndrojë në dispozicion si resurs i NATO-s. Pjesëmarrja në këtë mision në Afganistan është një prej hapave për përgatitjen dhe zhvillimin e kësaj aftësie.
Duke i përgëzuar për zgjedhjen, ministri Filipçe e ka theksuar rëndësinë e pjesëmarrjes së ekipit tonë në misionin “Mbështetje e vendosur” dhe ka nënvizuar se ky projekt është i rëndësishëm jo vetëm për Ministrinë e Mbrojtjes por edhe për mbarë shtetin pasi anëtarësimi në NATO do të thotë edhe zhvillim i ekipeve mjekësore për intervenim të shpejtë.
“Nga pjesëmarrja juaj në mision do të ketë përfitim i gjithë sistemi i shëndetësisë publike pasi njohuritë e juaja do t’i zbatoni por edhe do t’u bartni specializantëve dhe studentëve”, ka thënë ministri Filipçe.
Ekipi i numëron tre mjekë specialistë – të traumatologjisë, kirurgjisë së përgjithshme dhe anesteziologjisë dhe tre infermiere. Pesë prej tyre janë nga shëndetësia publike, njëra është infermiere e Batalionit për mbështetje mjekësore të Armatës së Republikës së Maqedonisë së Veriut.
Përfshirja e doktorëve dhe infermierëve të shëndetësisë publike në kuadër të rotacionit në spitalin norvegjez në Kabul, shpjegohet në kumtesën e MM, është në bazë të Memorandumit për bashkëpunim midis ministrisë së Mbrojtje dhe të Shëndetësisë sipas të cilit përbërjen e ekipit e siguron Ministria e Shëndetësisë, ndërsa mjetet financiare janë siguruar nga Ministria e Mbrojtjes. Shpenzimet për trajnim dhe mbështetje logjistike në mision i mbulon Mbretëria e Norvegjisë.
Maqedonia e Veriut dhe Mbretëria e Norvegjisë, theksojnë nga MM në kumtesë, kanë bashkëpunim mjaft të suksesshëm në domenin e bashkëpunimit ushtarako-mjekësor në kuadër të forcave ISAF në Afganistan. Doktorët e Maqedonisë dhe të Norvegjisë dhe teknikët anë punuar së bashku në shtatë rotacione në misionin e Aleancës në Afganistan në periudhë nga viti 2008 deri në vitin 2012, që kontribuoi për zhvillimin e interoperabilitetit në këtë fushë, njoftimin e ndërsjellë dhe rritjen e besimit midis dy vendeve.
