Spitali ditor dhe salla e kiretazhit në Klinikën Universitare për Gjinekologji dhe Obstetrikë me hapësirë të re. Me këtë rast, ministri i Shëndetësisë Venko Filipçe sot e vizitoi Klinikën.
“Në muajt e kaluar kemi punuar intensivisht për pajisjen dhe përshtatjen e një spitali të ri ditor brenda Klinikës për Gjinekologji dhe Obstetrikë, duke pasur parasysh që tani Klinika është një qendër kovid dhe me të vërtetë ka zvogëluar hapësirën që ishte në dispozicion. Tani kemi një mini qendër moderne për kryerjen e ndërhyrjeve të vogla. Këtu bëhen abortet me shtretër të rinj plotësisht të pajisur, një spital ditor që do të jetë në dispozicion për të gjithë pacientët që kanë nevojë për këtë ndërhyrje. Qendra është e pajisur me dy karrige gjinekologjike, dy aparate anestezie dhe kapaciteti është rritur në mënyrë të konsiderueshme”, tha Filipçe.
Ai theksoi se me drejtoreshën e Klinikës, Viktorija Jovanovska, kanë biseduar për ndryshimin e sistemit që funksionon tashmë një vit pas ndryshimit të Ligjit në drejtim të liberalizimit të të gjithë procedurës së abortit, duke e vendosur vullnetin e gruas në radhë të parë.
I gjithë procesi është thjeshtuar, tha Filipçe dhe shtoi se nuk ka më shumë se tre ditë pritje, por procedurat kryhen menjëherë në përputhje me ndryshimin e ri të Ligjit dhe në dy muajt e fundit për herë të parë në Klinikë pas blerjes përkatëse dhe abortit medikamentoz, veçanërisht te gratë në fazat e hershme të shtatzënisë.
