“Si të flasim me brezat e rinj” është titulli i konferencës të organizuar sot nga Agjencia kombëtare për programet evropiane të edukimit dhe mobilitetit.
Në konferencë fjalim ka mbajtur ushtruesi i detyrës drejtori i Agjencisë kombëtare për programe evropiane të edukimit dhe mobilitet Marko Gjorgievski i cili theksoi se ata janë duke pritur për kapitujt Erasmus për programin e ri.
“Dje vonë e kemi marrë informacionin dhe në parim ato janë pozitive me faktin se të gjitha institucionet e arsimit të lartë do të marrin njoftim nga Komisioni Evropian dhe nga ne si Agjenci kombëtare. Dua të mirëpres marrëveshjen politike në nivelin e Komisionit Evropian për programin e ri 2021-2027 i cili arrin 28 miliardë euro, pasi është shumë rekorde, dhe me këtë ne do të kemi përfitime”, tha Gjorgievski.
Ai tha se nga gjithsej 26 institucione të arsimit sipëror në vendin tonë, 24 marrin pjesë aktive në programin Erasmus Plus në fushën e arsimit të lartë.
Buxhetet e arsimit sipëror nga viti 2014 deri në 2019, siç informoi ai, janë rritur me 150 për qind. Në vitin 2014, buxheti ishte 970 mijë euro, dhe për vitin 2020 do të arrijë në 2.4 milion euro, që sipas Gjorgievskit është një rritje e madhe.
Segment i rëndësishëm, shtoi ai, është që 43 për qind e buxhetit të përgjithshëm të programit të ri Erasmus do të dedikohet për arsimin sipëror.
“Sipas programit që vijon 2021 – 2027, ne presim një rritje të dyfishtë të buxheteve,” tha ai.
Në periudhën vijuese, theksoi ai, theksi i programit do të jetë në digjitalizimin, agjendën e gjelbër, bashkëpunimin me vendet, funksionimin e kartës evropiane të studentëve, përfshirjen e personave me aftësi të kufizuara.
Në konferencë u prezantua nënshkrimi zyrtar i marrëveshjeve të granteve me institucionet e arsimit sipëror dhe përmirësimi i kapaciteteve dhe sfidave të strategjisë së re Erasmus + 2021-2027.
