Në Shtip sot në zgjedhjet për kryetar të komunës të drejtën e votës e ushtrojnë personat e sëmurë dhe të pafuqishëm, të dënuarit në pesë institucionet ndëshkuese-përmirësuese dhe banuesit e shtëpive geriatrike në vend, të cilët janë banorë të Komunës së Shtipit.
Kryetarja e Komisionit Komunal të Zgjedhjeve (KKZ) – Senka Andreeva thotë se sot këshillat zgjedhore do të vizitojnë 66 persona të sëmurë dhe të pamundur në shtëpitë e tyre.
“Janë formuar pesë këshille zgjedhore, të cilat nga ora 7 e mëngjesit hapin qendrat e votimit në Institucionet ndëshkuese-përmisuese dmth. burgjet. Vendvotimet në burgje do të mbyllen në orën 19:00. Të drejtën e votës mund ta realizojnë 67 të dënuar, të cilët janë banorë të Shtipit. Kemi dy persona të regjistruar në shtëpitë geriatrike, të cilët gjithashtu do të vizitohen nga këshillat e votimit”, thotë Andreva.
Gjatë ditës së djeshme, 12 njerëz të sëmurë dhe të izoluar ushtruan të drejtën e tyre për të votuar. Komisioni Komunal i Zgjedhjeve punësoi dy këshilla zgjedhore mjekësore, të cilat me pajisje mbrojtëse dhe sipas protokolleve i lejuan ata të votonin në shtëpitë e tyre.
