Të gjitha vendvotimet në institucionet ndëshkuese përmirësuese për zgjedhjet e parakohshme për kryetar të komunave Shtip dhe Pllasnicë janë hapur sot në mëngjes në orën 7:00 dhe votimi atje do të zgjasë deri në orën 19:00. Deri në këtë moment votimi po rrjedhë pa kurfarë problemesh, kumtoi Komisioni shtetëror zgjedhor.
Në vendvotimet në institucionet ndëshkuese përmirësuese në territorin e RMV-së të drejtën e vet të votimit sot do të mund ta realizojnë 67 votues të cilët janë nga Komuna e Shtipit dhe një votues nga Komuna e Pllasnicës.
“Gjatë ditës së sotme këshillat zgjedhorë do ta kryejnë votimin e personave të cilët janë të sëmurë apo të pamundur, apo në arrest shtëpiak, ndërsa në komisionet komunale zgjedhore parashtruan njoftime me dokumentacion përkatës. Në shtëpitë e tyre, të drejtën e tyre të votimit do ta realizojnë 142 votues të cilët janë paraqitur si të sëmurë apo të pamundur, dhe atë 66 votues në Komunën e Shtipit dhe dhe 76 votues në Komunën e Pllasnicës. Sot mbahet votimi në një qendër për kujdes jashtë familjar ku janë të vendosur 2 votues të cilët janë nga Komuna e Shtipit”, informojnë nga KSHZ.
Paralajmërojnë informata për votimin e sotëm më së voni deri në orën 19:30.
