Presidenti Stevo Pendarovski, sot e nënshkroi Dekretin për shpallje të Ligjit për ndryshim të Ligjit për financim të partive politike, me të cilin u kthehen mjetet e ndërprera në kushte të gjendjes së jashtëzakonshme për shkak të shfrytëzimit të tyre për përballje me pasojat ekonomike dhe sociale nga kriza shëndetësore.
Pendarovski, informojnë nga kabineti i tij, pret se në mënyrë të njejtë në të cilën partive politike u kthehen mjetet e ndërprera për financim, të cilat u takojnë me ligj, do t’iu kthehen mjetet financiare të gjitha institucioneve të cilat realizojnë interes jetësor publik.
