Para fillimit të takimit të sotëm të ministrave në Bruksel, në të cilin duhej të jepej dritë e gjelbër për kornizën negociuese me Maqedoninë e Veriut, kryesuesi Mihaill Rot porositi se bllokada bullgare është “gabim serioz politik”.
“Për fat të keq nuk arritëm progres për çështje për të cilat më parë ishim marrë vesh, ndërsa e gjithë kjo për shkak të kërkesave bilaterale të një vendi anëtar”, deklaroi ministri gjerman për Punë Evropiane, Mihail Rot, duke komentuar veton bullgare për mbajtjen e konferencës së parë ndërqeveritare me Maqedoninë e Veriut.
Për shkak të bllokadës bullgare për Shkupin po mbahet peng edhe Shqipëria për të cilën një numër i madh i anëtarëve konsiderojnë se nuk mund të miratohet kornizë negociuese, edhe për shkak të reformave të pareallizuara, dhe për shkak të faktit që Maqedonia e Veriut ka shënuar progres më të madh.
Rot konfirmoi se presidenca gjermane po bën gjithçka që ta tejkalojë bllokadën.
“Gjithçka tjetër do të ishte gabim serioz politik në llogari të stabilitetit dhe sigurisë së Ballkanit Perëndimor, që në fund do ta rrezikonte edhe sigurinë e gjithë Evropës”, deklaroi Rot.
