Në përgjithësi, e gabuar është qasja çështjet historike të shfrytëzohen si mjet politik. Polemikat historike, moskuptimet dhe kontestet historiografike duhet t’i zgjidhin historianët, ndërsa jo politikanët. Komisioni duhet të lihet të punojë pa përzierje dhe presion. Politika duhet të hapë hapësirë për Komisionin, ndërsa jo e kundërta, thotë historiani Dragi Gjorgiev, kryetar i ekipit të Maqedonisë në komisionin e përbashkët maqedono-bullgar për çështje historike dhe arsimore, në deklaratë për Dojçe vele.
Potencon se për të, më e dhimbshme ka qenë njohuria se sa pak njihemi si shoqëri.
“Për ta thyer akullin na duhet kohë, dialog dhe durim. Deklaratat politike nuk do të dëshiroja t’i komentoj, qofshin ato nga ana bullgare ose maqedonase”, thotë Gjorgiev.
Për shkak të këtij parimi, ai nuk kthehet individualisht në qëndrimet e nxjerra nga kryeministri Zoran Zaev në intervistë për agjencinë bullgare BGNES. Por, ajo që për momentin e pasqyron situatën, e konsideron si rezultat i qasjes së gabuar të përgjithshme.
“Për mua më e dhimbshme është njohuria se sa pak njihemi si shoqëri, ndërsa nga ana tjetër pritjet u bënë të mëdha. Dhe për atë kur nuk do të pajtohemi për ndonjë çështje, atë me dhimbje e përjetojmë. Në Bullgari u zhgënjyen, sepse shpresonin se këtu lehtë do ta imponojnë perceptimin e tyre dhe se ajo do të pranohet. Vetoja bullgare këtu u përjetua me dhimbje, sepse konsiderohej se do të mbisundojë afërsia. Ajo është rezultat i faktit se pak njihemi. Na duhet kohë për të diskutuar, nëse duhet edhe të grindemi, kuptohet, në nivel shkencor, me qëllim që më mirë të njihemi, dhe të mos i ngritim pritjet e pabaza, por t’i mbajmë në nivel të mençur, në plan afatgjatë. Ashtu zhgënjimet do të jenë më të vogla, ndërsa shumë më e madhe koha e përkushtuar në dialog. Për ta thyer akullin na duhet kohë, dialog dhe durim”, potencon Gjorgiev.
