Kategoritë

Masat e Qeverisë Ndalesa për lëvizje gjatë fundjavës fillon nga e diela në orën 11:00 dhe do të zgjasë deri të martën në orën 05:00

Qeveria e Republikës së Maqedonisë së Veriut në seancën e sotme të 56-të e ka plotësuar Vendimin për ndalesën dhe regjim të posaçëm të lëvizjes në gjithë territorin e shtetit me të cilën përcaktohet ndalesa për lëvizje të popullatës dhe automjeteve nga transporti publik si dhe ndalohet lëvizja e të gjithë qytetarëve në gjithë territorin e vendit duke filluar nga e diela, 24 maj, në orën 11:00 deri të martën, 26 maj deri në orën 05:00.

Të shtunën, siç njoftojnë nga Pres shërbimi qeveritar, më 23 maj, ndalesa për lëvizje mbetet e njëjtë si edhe ditët tjera, nga ora 19:00 deri ora 05:00 në mëngjes.

“Duke e ndjekur situatën momentale epidemiologjike me Kovid-19 si dhe rekomandimet e Komisionit për Sëmundje Ngjitëse, në mbledhjen e sotme të qeverisë sollëm vendim për restrikcione të rritura të lëvizjes së qytetarëve gjatë kësaj fundjave festive”, theksoi madje në postimin e tij në Fejsbuk, kryeministri Oliver Spasovski.