Kategoritë

LAJME TË RREJSHME Ekipi monitorues i CIVILit zbuloi një tjetër lajm të rremë për pretendimin e punësimit të shqiptarëve në DAP- Shtip

Në rrjetet sociale u shfaqën lajme të rreme në lidhje me pretendimin e “Vendimit për zgjedhjen e kandidatëve për punësim në Drejtorinë për të ardhura publike  Shtip”, të cilat qytetarët e Shtipit menjëherë  filluan t’i shpërndajnë dhe komentojnë, duke besuar se është  një lajm autentik.

Lajmi i rremë përbëhet nga një fotografi nga një dokument që pretendohet të jetë  vendim, sipas të cilit të gjithë personat e përzgjedhur për punësim në DAP Shtip,  janë shqiptarë. Lajmet e rreme janë tendencioze  dhe me qëllim të qartë për të provokuar gjuhë të urrejtjes në  baza etnike. Kjo mund të shihet nga komentet që përdorin termat “shiptarizim”, “kantonizim” etj.  Disa nga komentet janë fshirë menjëherë pas publikimit. Adresat e para nga të cilat supozohet të vendosen lajmet e rreme janë faqet në Facebook Makedonski Press dhe San Shtipago.

Burimet e CIVILit  sqarojnë se bëhet fjalë për Drejtorinë Rajonale Shtip, por për departamentin në Kumanovë dhe ato vendime i referohen Kumanovës, dhe jo Shtipit.

Vëmendja e vëzhguesve afatgjatë të CIVILit u tërhoq nga fakti se aktivistët e VMRO-DPMNE  nga Shtipi janë ndër të parët që ndajnë lajmet e rreme, megjithëse koordinatori i VMRO-DPMNE  në Shtip është i punësuar në DAP dhe e di shumë mirë se për çfarë bëhet fjalë. Edhe pse ai nuk e ndau lajmin, ai të paktën mund të shpjegojë para aktivistëve se për çfarë bëhet fjalë.

Sipas analizës së CIVILit , kjo procedurë e krijimit dhe shpërndarjes së lajmeve të rreme tregon për qëllim  të  provokimit të gjuhës  së urrejtjes në baza etnike.

 

Në thirrjet e  vazhdueshme për publikun dhe institucionet, CIVILi  thekson se dukuri të tilla shpesh lidhen me aktivitetet politike të grupeve të organizuara, prejardhja e të cilave është partiake.

 

Ekipi monitorues i CIVILit

Leave a Comment

You must be logged in to post a comment.