Në 24 orët e fundit janë regjistruar 8 raste të reja me koronavirus, janë shëruar 21 pacientë dhe një person ka ndërruar jetë. Nga rastet e reja të konfirmuara me virus, 3 janë në Shkup, 1 në Manastir dhe 4 në Veles. Qyteti i Kumanovës i cili mban numrin më të madh të rasteve të dignostifikuara me Covid-19, menjëherë pas kryeqytetit, sot nuk ka të regjistruar rast të ri.
Pacientët e shëruara janë 8 nga Shkup, 6 nga Kumanova, 2 nga Prilepi dhe nga 1 në Shtip, Tetovë, Veles, Koçan dhe Makedonski Brod. Kurse pacientja e cili ka ndërruar jetë është nga Tetova.
Venko Filipçe, ministër i Shëndetësor
“Në spitalin ‘8 shtatori’ ka ndërruar jetë një paciente nga Tetova, e moshës 59 vjeçare, e cila 15 ditë kishte qenë në gjendje të rëndë shëndeëtsore dhe në aparat respirator”.
Javën që vjen do të filloj skrining testimi për koronavirus. Nga Ministria e Shëndetësisë bëjnë me dije se ky proces do të përfshij personat që i përkasin kategorive kritike siç janë punonjësit shëndetësorë, të punësuarit në çerdhe, të punësuarit në shtëpitë e pleqve, përfaqësues të policisë, taksistëve, të punësuarve në shërbime publike (punonjës në sportele) dhe pacientë para hostpitalizmit. Përmes skriningut ata thonë se do të mundësohet vlerësim më kualitativ për zbutjen e masave restriktive, por edhe do të rritet dukshëm numri i testimeve.
Ministria e Shëndetësisë
“Gjatë ditëve në vijim do të jetë i gatshëm algoritmi i ri dhe do të definoj numrin e targetuar të testeve që do të bëhet në ditë. Grupmoshat më të moshuara dhe me sëmundje kronike do të mbikqyren edhe në periudhën e ardhshme për të parë ndjeshmërinë e popullatës ndaj virusit. Briset do të merren nga pikat e testimeve dhe do të tranferohen tek mjeku amë përmes Qendrës për Shëndet Publik”.
Numri i përgjithshëm i personave të infektuar me koronavirus ka arritur në 1526, numri total i personave të shëruar në 1013 dhe numri i të vdekurve në 86. Ndërkaq, numri i rasteve aktive me Covid-19 është 427.
