Waste No Love është kënga e fundit e publikuar nga kantautori Yon Idy. Është një këngë e cila mund të radhitet në zhanrin pop dhe pop-rock. Autor komplet i këngës është Yon Idy. Ai, gjithashtu, e regjistroi kitarën akustike dhe atë elektrike, si dhe i këndoi zërat përcjellës. Kënga u regjistrua në Studio Podrumot, me producentin Angel Qosev. Masteringun e bëri Boban Apostollov – naBBoo.
Dy këngët e mëparshme të Yon Idy-t – Gentle dhe Walking the Line of Love tashmë u bënë pjesë e play-listave të radiove anembanë Ballkanit, por edhe të një numri të konsiderueshëm të radiove në Evropë.
Yon Idy është një kantautor nga Shkupi. Ai kryesisht përdor instrumente akustike, të cilat i luan vetë, këndon vokalin e parë, si dhe vokalet përcjellës.
Zhanret të cilat Yon-i i mbulon janë pop, indie-pop dhe pop-rock.
https://www.youtube.com/watch?v=VVoxG3iEweU&list=RDVVoxG3iEweU&start_radio=1
