Presidenti i vendit Stevo Pendarovski, ka realizuar bisedë telefonike me presidentin e Austrisë, Aleksandar Van der Belen, informon Zhurnal.
Gjatë bisedës, siç njoftuan nga kabineti i presidentit, janë shkëmbyer informata për gjendjet në dy shtetet, në kontekst me menaxhimin me pasojat e përhapjes së Covid 19.
Presidenti Pendarovski ka informuar presidentin austriak për masat që Qeveria ka ndërmarë në menaxhimin me pandeminë, duke përfshirë dhe shpalljen për së dyti të gjendjes së jashtëzakonshme.
Në bisedë presidenti Van der Belen ka përcjellë përvoja nga masat që Austria ka ndërmarë në menaxhimin e përhapjes së Covid 19.
“Duke përshëndetur ndihmën që një pjesë e kompanive me kapital dominant austriak në vend e kanë dhënë për menaxhimin e pasojave nga pandemia, si dhe ndihmën e deritanishme në nivel të Unionit Europian dhe solidaritetin demonstrant me shtetin, presidenti Pendarovski në bisedë ka theksuar nevojën për ndihmën gjithëpërfshirëse nga ana e BE-së për vendet e rajonit, për menaxhim me pasojat e përhapjes së Covid 19 në plan shëndetësor, ekonomik dhe social”, thuhet në kumtesën e kabinetit të presidentit.
Presidenti Pendarovski u faleminderua për mbështetjen austriake për aspiratat e Maqedonisë për anëtarësim në BE dhe ka theksuar se vendimi i fundit për fillim të negociatave është mirënjohje për përpjekjet e shtetit në periudhën e fundit.
Pendarovski ka shprehur pritje që në këto rethana, Unioni Europian të gjejë modalitet për lëvizje të procesit integrues përpara.
