Institucionet shtetërore, organet e shtetit, sektori joqeveritar dhe mediat duhet të veprojnë bashkërisht në luftën kundër propagandës së zezë, lajmeve të rrejshme dhe dezinformimit të qytetarëve. Këto ishin konkluzat kryesore nga Konferenca me titull “Zgjedhjet e lira kundrejt propagandës së zezë” organizuar nga Qendra për Liri “Civil” që u mbajt sot në Shkup. Koordinatori nacional për strategji të komunikimit, Marjan Zabërçanec, tha se Qeveria tenton që lajmet e rrejshme dhe dezinformatat t’i luftojë përmes transparencës dhe hapjes së institucioneve qeveritare me opinionin, ndërsa përveç kësaj ka përpiluar edhe strategjinë nacionale në të cilën bëri thirrje që të bashkëngjiten dhe të ndihmojnë edhe organizatat qytetare dhe vetë mediat.
“Ne kemi shoqëri të zgjuar qytetare dhe qytetar të ndërgjegjshëm të cilët dijnë të dallojnë gënjeshtrat dhe dezinformatat. Koha digjitale na mundëson që opinion kritik të demonstrojë rrezistencë ndaj lajmeve të rrejshme. Qeveria u rreshtua pas mbrojtjes së të vërtetës dhe opinion kritik. Dorëzuam propozim plan aksionar për krijimin e strategjisë kombëtare për transparencë sipas të cilës tanimë punojmë ne. Ende ekzistojnë institucione të robërua siç është servisi publik radiodifuziv, por është çështje kohe kur ato trende do të arrijnë edhe më gjërë dhe më larg në shoqëri”, tha Zabërçanec.
