Kategoritë

Dimitrov kërkon shkarkimin e ministres së VMRO-së, Mizrahi

Pas skandalit me ndërimin e tabelës në Ministrinë e Punës dhe Politikës Sociale, shefi i diplomacisë Nikolla Dimitrov i ka kërkuar ministres nga VMRO-DPMNE, Rashel Mizrahi që të kthehejë tabelën me emrin kushtetues,në të kundërtën i ka bërë thirje kryeministrit Oliver Spasovski që të propozojë shkarkimin e saj në Kuvend, njofton europort.mk. Ministri Dimitrov ka thënë poashtu se me këtë veprim Mizrahi ka bërë edhe vepër penale për çka shton se duhet të veprojnë organet kompetente.

“Shkelja flagrante e Kushtetutës tërheq përgjegjësi juridike dhe politike. Nëse menjëherë veprimin e saj nuk e kthen në linja dhe në kuadër të Kushtetutës, i sugjeroj kryetarit të Qeverisë, zotëri Oliver Spasovskit, të propozojë shkarkimin e saj në Kuvend. Në veprimin e saj ka elemente që mund të shkaktojnë edhe përgjegjësi penale sipas nenit 353 dhe 390 të Kodit penal por kjo tanimë është punë e organeve shtetërore”, deklaroi Dimitrov.

Ky reagim vjen pas notës verbale të cilën e ka dërguar Athina zyrtare përmes ambasadës në Shkup ndaj vendimit të ministres Mizrahi për të rikthyer tabelën me emrin e vjetër të shtetit.
A. Z. /Europort.mk/