Kategoritë

PSP Anketë: Pushteti dhe opozita gjithmonë kuptohen

Një numër i madh i qytetarëve nuk besojnë se pushteti dhe opozita do të arrijnë të merren vesh për Ligjin për Prokurori Publike, posaçërisht pas takimit të mbrëmshëm të përfaqësuesve të pushtetit dhe opozitës, të udhëhequra nga kryeministri dhe kryetari i partisë LSDM, Zoran Zaev dhe kryetarit të VMRO – DPMNE, Hristijan Mickoski.

“Nuk besoj se pushteti dhe opozita do të arrijnë të kuptohen për ligjin për PSP, sepse gjenden në anë plotësisht të kundërta. Kjo është gjë shumë e keqe për Maqedoninë, sepse nuk do të pranojmë datë për negociata për BE dhe NATO integrimet. Për NATO nuk është edhe aq problem, mirëpo për integrimet në BE do të ndikojë shumë. Nuk besoj se deri në afatin e parashikuar do të arrijnë të kuptohen”, thotë një qytetar i Shkupit.

“Kokëfortësia është ajo që nuk u lejon pushtetit dhe opozitës të ulen dhe të kuptohen ashtu si duhet rreth ardhmërisë së PSP. Nga inati i politikanëve, më së tepërmi vuajnë qytetarët, sepse pothuajse çdo vit kemi zgjedhje, qeveri teknike, kjo nuk ngjan në asgjë! Ne kërkojmë alternativë të tretë e cila do t’i dëgjojë qytetarët. Asgjë nuk është e realizuar nga asnjë qeveri, jemi të shkatërruar deri në fund”, thotë një qytetar tjetër.

Në pyetjen nëse pushteti dhe opozita do të kuptohen rreth ligjit për PSP, një qytetare tha se ata çdo herë kuptohen.

Dehran Muratov

Kamera dhe montazhi: Arian Mehmeti

 

Leave a Comment

You must be logged in to post a comment.