Kategoritë

LETËRSI Konkurs rajonal për tregim të shkurtë “Biber”

Filloi konkursi i tretë rajonal për tregim të shkurtë “Biber”, që do të zgjasë deri 10 qershor 2019.

Këtë vit përveç tregimeve të cilat e tematizojnë pajtimin në kontekst të trashëgimisë së luftërave dhe dhunës në vendet e Jugosllavisë së mëparshme, në konsiderim do të jenë edhe tregime që do të kontribuojnë ndaj mirëkuptimit më të mirë mes njerëzve, ndaj zvogëlimit të urrejtjes dhe shpalosjes së paragjykimeve, tregime nga paslufta, tregime që merren me përballje me të kaluarën, tregime që e shpalosin pasqyrën për armiqtë, tregime të guximshme të cilat marrin guximin të ecin në këpuca “armiqësore”, tregime që i lëvizin kufijtë dhe na hapin rrugë për ndërtimin e ardhmërisë më të sigurt dhe më të lirë për të gjithë.

Autoret dhe autorët janë të ftuar të shkruajnë në gjuhë shqipe, maqedonase, boshnjake, malazezase, kroate ose serbe. Thirrja u drejtohet autoreve dhe autorëve të afirmuar, si dhe atyre që deri tani nuk kanë botuar shkrime.

Rreth 20 vepra do të botohen në një përmbledhje shumëgjuhëshe. Juria do të jetë e përbërë nga Lejla Kalamujiq, Rumena Buzharovska dhe Shkëlzen Maliqi, dhe do të zgjedh tre tregime që do të shpërblehen. Vendimi i jurisë do të shpallet deri në fund të muajit tetor 2019.

Konkursin e organizon ekipi i Biber me Qendrën për veprim të padhunshëm Sarajevë – Beograd.